Hroki

Vá!

Þetta hljómar ekki lítið hrokafullt. Henni líkar úrslitin illa og segir þá að þetta eigi (sjálfsagt hin meðalgreinda) þjóðin skilið.

Það væri nú hægt að kveðja með meiri reisn held ég. 


mbl.is Ráðaleysi, baktjaldamakk og hljóðskraf
Tilkynna um óviðeigandi tengingu við frétt

Þriggja manna klíka

Það er nú úr hörðustu átt að halda því fram að lítil klíka taki völdin af þjóðinni. Yfir 60% þjóðarinnar hefur engan áhuga á því að stjórnarskrá Íslands verði eyðilögð, með tillögum hins ólögmæta stjórnlagaráðs, (þar sem ,,sigurvegari kosninganna" hlaut 3% atkvæða þjóðarinnar, og aðrir minna!). Frumvarpið hefur ofan í allt fengið fátt annað en mjög slæmar umsagnir. Það væri með ólíkindum ef kastað yrði til höndunum á þennan hátt við að búa til stjórnarskrá.

Ef þriggja manna klíka hreyfingarinnar fær sínu fram með því að hræða valta ríkisstjórnina til hlýðni, þá er miklu nær að tala um fámenna klíku - þær verða varla mikið fámennari!


mbl.is Segja litla klíku taka völdin af þjóðinni
Tilkynna um óviðeigandi tengingu við frétt

Skráður í frjálshyggjufélagið?

,,Þau ummæli Ólafs Ragnars Grímssonar, forseta Íslands, að láta eigi bankastofnanir fara í þrot en ekki halda þeim á floti á kostnað almennings hafa víða verið gerð að umtalsefni á netinu síðustu daga"

Nú er svo komið að Ólafur Ragnar Grímsson segir hluti sem frjálshyggjumenn hljóta að vera hjartanlega sammála. Það er auðvitað merkilegt út af fyrir sig - En það er sama hvaðan gott kemur. Við sem erum höll undir frjálshyggjuna hljótum að fagna þessum ummælum enda á ekki að láta almenning taka á sig skuldir annarra.

Ánægður með Ólaf!


mbl.is Forsetinn vekur heimsathygli
Tilkynna um óviðeigandi tengingu við frétt

Hvern sigraði Steingrímur???

Bara mjög hlutlaus og sakleysisleg athugasemd:

 Hvern sigraði Steingrímur? Það bauð sig enginn fram á móti honum, ekki frekar en Stalín á sínum tíma.

Í öðru lagi reiknast mér að hann hafi fengið um það bil 16% atkvæða þeirra sem voru á kjörskrá - þrátt fyrir að ekki voru aðrir valkostir.

 Ef þetta er sigur þá skil ég vel að forystumenn ríkisstjórnarinnar telji að þeim hafi gengið vel á kjörtímabilinu.


mbl.is Steingrímur og Bjarkey sigruðu
Tilkynna um óviðeigandi tengingu við frétt

Sannfæring sett á bið

Róbert Marshall segir sannfæringu sína vera að rjúfa þurfi átakahefðina í íslenskum stjórnmálum, og til þess þurfi hann að yfirgefa Samfylkinguna og ganga til liðs við Bjarta framtíð, - en ekki fyrr en í vor.

Auðvitað er hér um algera froðu að ræða - en gott og vel - Það sem er athyglisvert við þetta er að menn geti haft sannfæringu fyrir einhverju en ætli sér ekki að fara eftir henni fyrr en eftir heilan vetur.

Þingmenn eru raunar kjörnir til að fara eftir sinni sannfæringu, eins og ég skil stjórnarskrána, en ekki endilega að fylgja flokkslínum (nema það sé sannfæring þeirra að það sé betra).

Í fyrsta lagi spyr maður sig: Hvernig væri nú að æfa sig í að fara eftir núverandi stjórnarskrá áður en öllu er umturnað?

Róbert ætlar sér greinilega að setja sannfæringu sína á bið - fjórðung úr kjörtímabili sínu.

Trúverðugleiki? Hmmm hvað er nú það?


mbl.is Róbert til liðs við Bjarta framtíð
Tilkynna um óviðeigandi tengingu við frétt

þrælahald?

Og þar með er íslenskur ríkisborgari kominn með minnihlutaeignarhald í sjálfum sér en ríkið á orðið meirihlutann.

Líta mætti á einstaklinginn sem hlutafélag, þar sem eignarhaldið fer eftir því hvernig laununum er skipt. Nú er svo komið að ríkið tekur meirihluta launanna og þar með eru ríkisborgararnir ekki lengur í einkaeigu sjálfs sín heldur eru orðnir eign ríkisins. - Draumur sósíalistanna hefur ræst!

En þegar maður á sig ekki sjálfur  - er það þá ekki orðið þrælahald?


mbl.is Skattadagur SUS í dag
Tilkynna um óviðeigandi tengingu við frétt

Vonlaust?

Er það alveg orðið vonlaust fyrir þá sem standa í sjávarútvegi að halda uppi vörnum fyrir sín fyrirtæki og sinn rekstur? Búið er að ausa þá skömmum svo árum skiptir fyrir að snúa því sem áður var ótrúlega mistækur rekstur fyrir land og þjóð í arðbæran iðnað sem skilaði þjóðinni góðum nettó - tekjum. Þannig hefur grunnurinn verið lagður að árásinni á atvinnugreinina nú. Þessi aðferð þekkist úr öðrum löndum og mun blóðugri dæmum. Fræinu er sáð í huga fólks, að því hlúð með áróðri og síðan er látið til skarar skríða.

Halda menn að tímasetningin á húsleit hjá Samherja - sem kannski var tilefnislaus í þokkabót) hafi verið tilviljun? Nei - Nú geta þessir ,,glæpamenn" bara haldið kjafti.

Nú á að þjóðnýta sjávarútvegsfyrirtækin - beita eignaupptöku á atvinnuréttindin - jafnvel þótt heildarhagsmunum sé betur borgið í núverandi kerfi - og allt í ,,þágu þjóðarinnar". Rétt eins og þegar sjálfseignabændur voru reknir af jörðum sínum og kýrnar hirtar af þeim, á sínum tíma í Sovíetríkjunum, í þágu Moskvubúa. Gafst það vel þar?

Rökin sem notuð eru, eru að við gengishrunið gangi sjávarútvegurinn svo vel. Má þá ferðamannaiðnaðurinn búast við því að vera næstur? Hvenær verður ofurskattur lagður á ferðamannareksturinn? Um hann gilda alveg sömu lögmál.

Líklegt er að varnir sjávarútvegsfyrirtækja verði slegnar úr höndum þeirra með áframhaldandi rógi og aðdróttunum og rekstrarskilyrði í sjávarútvegi gerð óviðunnandi - til bölvunar fyrir land og þjóð.

Kommúnisminn er svo langt frá því að vera dauður! 


mbl.is Niðurstöður Deloitte ekki keyptar
Tilkynna um óviðeigandi tengingu við frétt

Hjúkk

Þá er því reddað

Mikið er ég feginn


mbl.is VG boðar frið á norðurslóðum
Tilkynna um óviðeigandi tengingu við frétt

En fjölga í einhverju ráðuneytinu á móti...

Svona er forgangsröðun velferðarstjórnarinnar.

Það er auðvitað engin velferð að beina fjármunum til baka út á land þaðan sem þeir komu - það er langferð.


mbl.is Loka heilsugæslunni á Hellu
Tilkynna um óviðeigandi tengingu við frétt

Lýðræðisástin í Evrópusambandinu

Nú sjáum við enn eitt dæmið um lýðræðisástina í Evrópusambandinu. Berlusconi segir nokkur vel valin orð um Evruna og hann er hrakinn frá og einhver prófessor er dreginn upp á dekk til að mynda ríkisstjórn sem á að hlýða tilskipununum frá Brussel. Þessi maður hefur ekki einu sinni verið kjörinn á þing af þjóðinni sem hann á nú að stýra - eða fjarstýrast.

Þetta er kannski ekki innrás Frakka eða Þjóðverja inn í Ítalíu - en minnir þetta ekki svolítið á yfirtöku.

Um Berlusconi er sjálfsagt hægt að segja margt, og hann hefur sjálfur sagt margt sem hefur fengið fólk til að hrista hausinn, en ætli hinir höfðingjarnir kunni ekki bara betur að fela það sem þeim kemur til hugar. Hins vegar veit ég ekki um neinn sem hefur getað haldið saman starfhæfum ríkisstjórnum á Ítalíu í jafn langan tíma. Og það eitt og sér er nokkurs virði. 


mbl.is Monti falin stjórnarmyndun
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband