Auglýsing eða hótun?

Var að fletta í gegn um bæjarblaðið okkar hér í Snæfellsbæ og rakst á orðsendingu svo hljóðandi:

Íbúar Snæfellsbæ athugið. Við munum mála bæinn rauðan 10. mars nk. Takið daginn frá. Samfylkingin Snæfellsnesi. Samfylkingin.

Ég veit ekki alveg hversu rótt mér má vera. Þarf ég að fara að kaupa 10 lítra af terpentínu til að vera viðbúinn árásinni? Hvað ef ég vil nú ekkert hafa bæinn rauðann? Er þetta hótun um skemmdarverk eða bara svona svakalega frumlega orðuð auglýsing? Veit ekki. Alla vega mætti segja mér að niðurstaðan verði svipuð, hvort heldur sem meint er.

Athugasemdir

[Fannar frá Rifi, 6.3.2007 kl. 10:55]

Ég veit ekki hvað þeir eru að gera í Snæfellsbæ. Flokkur sem ætla að gera alla útvegsmenn stóra og smá eignarlausa.  En stærsta spurninginn er hvort  Ingibjörg Sólrún sé með í för eða hvort að Össur sé ennþá á flugi sem leiðtogi Samfó  á þinginu.