Áhugavert

Það væri áhugavert að vita hvernig þetta er talið og sérstaklega þætti mér gaman að sjá sundurliðun eftir veiðarfærum. Einnig myndi ég vilja sjá þróunina á þessum 5 árum en mín tilfinning hefur verið sú að síðustu ár hafi dregið úr þessu.

Mér finnst þetta ekkert rosalega hátt hlutfall í þorski, að þremur fiskum sé hent af hverjum 100 en 10 stykki af 100 í ýsunni finnst mér ansi hátt.

Hvað um það. Þetta er of mikið hvort sem er ýsa eða þorskur. Það eru úrræði til í kerfinu sem eiga að geta komið í veg fyrir brottkastið, þ.e. svokallaður Hafróafli, og það er mönnum til skammar ef þeir henda fiski frekar en að nýta sér það.

Brottkast ýsu og þorsks 6,2 milljónir fiska

Athugasemdir

[Ómar P (IP-tala skráð) 18.12.2007 kl. 14:46]

Ætli brottkast í þorski fari ekki frerkar vaxandi, því með minni kvóta, þá er meiru hent, bara það verðmætasta kemur í land.

Hef verið á skipi, þar sem nær öllum karfa var hent, þar sem ekki var til kvóti, bara hirt það allra stærsta, til þess að "sýna lit" eins og það var kallað.

Þetta brottkast er örugglega verulega vanmetið, því hvernig á ríkisstofnun, sem er að réttlæta sjálfan sig, að geta verið hlutlaus.

[Níels A. Ársælsson., 18.12.2007 kl. 15:37]

Sæll.

Þetta eru marklausar tölur Örvar. Brottkast og framhjálandanir  eru margföld þessi tala. Skekkjan liggur í því að fæstir þora að tala vegna ótta.

[bjarni kjartansson (IP-tala skráð) 22.12.2007 kl. 01:05]

Sæll Örvar hefur þú farið ínn á hafróaflaskýrsluna hjá fiskistofu? þar sést vel að það eru ekki allir bátar að landa í hafróafla, sem eru að róa á sömu mið. þessi skýrsla um brottkast er als ekki í takt við raunveruleikan.

[Fannar frá Rifi, 22.12.2007 kl. 15:46]

Hvernig er það. Getur það verið að þeir sem stunda brottkast og framhjálandanir trúi því að allir aðrir séu eins og þeir? Annars er mjög auðveldlega hægt að koma í veg fyrir brottkast. Það er alltaf ákveðið hlutur af aflanum minni eða lítill fiskur. Það sést undir eins hverjir kasta ef þetta er talið. Það sést á því að þeir hafa óeðlilega lítið hlutfall af smáum fiski.

[bjarni kjartansson (IP-tala skráð) 23.12.2007 kl. 01:11]

Þetta er alveg rétt Fannar þetta sést alltaf með smáfiskin og ætti að vera lítið mál að taka á því. En ef þú værir að róa með net og ættir góðan kvóta í þorski og ýsu en engan í ufsa,þú ert á heimamiðum og það fyllist allt af stórum ufsa. dag eftir dag alltaf helmingurinn ufsi þú ert búin með tilfærslur og enginn ufsi til leigu, komin langt yfir í hafró.þú ert að veiða fyrir fiskverkunn sem verður að fá þorsk í vinnslu. Hvað gera menn þá? Svona kemur oft uppá á miðunum, aðallega hjá netabátum, dragnótabátum og togbátum, sem geta fengið mikinn afla á skömmum tíma. Það er ekki bara smáfiskur sem um er að ræða. Þetta snýst svo við ef þú ert með lítin þorskkvóta að reyna að veiða ufsa og ýsu.Eða hvað?