Sjávarútvegsstefna VG

Ég var að skoða sjávarútvegsstefnu Vinstri Grænna og fleiri flokka vegna verkefnis sem ég er að vinna. Ég rakst þá á alveg stórskemmtilega tillögu:

,,Undirbúin verði tilraun með að heimila sumarveiðar á minni bátum með handfrjálsum búnaði frá sjávarjörðum og einnig gefist upprennnandi sjómönnum sem öðlast vilja reynslu og þjálfun kostur á hinu sama á grundvelli sérstakra reynsluleyfa. Ætíð verði um staðbundna/svæðisbundna, takmarkaða og óframseljanlega möguleika að ræða og jafnframt sé fyllsta öryggis gætt."

Nú verður einhver að segja mér hvaða tækninýjungar er verið að tala um hér. Hvernig virkar handfrjáls búnaður til veiða á minni bátum?? Hefur maður þá eitthvað hangandi á eyranu?

Sýnir þetta kannski hvað menn hafa mikið vit á því sem verið er að ræða??

Athugasemdir

[Sigurður Þórðarson, 8.2.2008 kl. 10:47]

Þetta er skarplega athugað hjá þér, þeir ætla bændum við sjávarjarðir að veiða með eyrunum.  En tökum viljann fyrir verkið þeir meina sjálfsagt með þessu að taka undir tillögu Frjálslyndra að heimila eigendum sjávarjarða að nýta ævaforn hlunnindi sín sem nýlega voru tekin af þeim með vafasamri reglugerð. Kannski meina þeir líka að leyfa eigi frjálsar handfæraveiðar (en ekki handfrjálsar veiðar) eins og við í FF og þá er það ágætt.                 Vinstri græn eru ein um að hugsa með eyrunum þegar kemur að sjávarútvegsmálum. 

Kvótakerfið var ekki stofnð  til að  stýra veiðum eða vernda fisk heldur til að hægt væri að veðsetja óveiddan fisk.  eða hvers vegna skyldu vannýttar tegundir nýlega hafa verið settar í kvóta?

Þú ert svo ungur að þú manst ekki eftir líkaninu sem búið var til og er geymt í kjallara niður á Hafró og átti að sýna hvað við gætum tekið út mörg tonn eftir  5, 10, 15 eða 20 ár ef við veiddum einu tonni minna í ár.  Fiskurinn óx í veldisvís og var dánartíðnin föst stærð óháð fæðuframboði, hitastigi eð öðrum náttúrulegum áhrifum.  Þú ættir að fá að mynda líkanið (sem er heljarinnar ferlíki) og útskýra hugmyndirnar að baki.

Og eitt að lokum, margar þorsktegundir eru staðbundnar og samkv. DNA rannsóknum blandast þær lítt eða ekki innbyrðis, samt er deilt út þesum stofnum með einni heildartölu. Þetta þýðir að að smávaxnari stofnar sem eru heldur ódýrari verða vannýttir enda er leiguverð á kvóta hærra en verðið á lönduðum fiski úr smáum stofni.