Þorskur finnst við Breiðafjörð

Alltaf koma þessar fréttir manni spánskt fyrir sjónir þegar maður lítur til þess að menn glíma við gríðarlegan niðurskurð í þorskkvóta en eru að kafna í þorski. Það þarf ekkert að leita að þorskinum heldur leita menn að stöðum þar sem þeir fá ekki þorsk. Gríðarleg þorskveiði hefur verið síðustu vikur í og við Breiðafjörð. Sumir hafa sótt í þorskinn en aðrir ekki því maður þarf að eiga þorskaflaheimildir á móti þeim ýsukvóta sem eftir er að veiða. Samt er það orðið þannig að þótt maður sé að sækja í ýsuna og reyna að halda sig á stöðum þar sem minna hlutfall er af þorski þá er hann samt orðinn yfir helmingur af afla. Það hefur komið ágætlega út af því þetta er ofsalega stór og fallegur þorskur.

Ég er ekki að segja að þetta sé endilega mikið meira en önnur ár en það sem ég meina er að þetta er heldur ekkert minna! Aflamynstrið er svipað ár eftir ár eftir ár.

Þess vegna er 30% minni kvóti en í fyrra undarleg staðreynd.

Ég veit að það liggja einhverjar aðrar forsendur fyrir við loðnuveiðar en okkur sem erum á kafi í þorsknum finnst skrítið að það sé leitað að síðustu loðnunni með það sjónarmið að reyna að veiða meira þegar loðnustofninn er svo greinilega í einhverri vitleysu. Vísindamennirnir reyna og reyna svo að sannfæra sjómenn og aðra um að þorskurinn sé í slæmu ástandi þrátt fyrir að hann finnist í svo miklu magni að það er eiginlega til vandræða.

Skrítið

Loðna finnst við Hjörleifshöfða

Athugasemdir

[Johnny Bravo, 25.2.2008 kl. 12:51]

Töluvert góð grein, erum allavega sammála um meiri þorsk og  minni loðnu. Hverjum finnst loðna góð hvort eð er hehe.

Hugsandi maður eins og þú ættir kannski að sjá mína grein um þetta.

En muna að minni þorskur er ekki minna verðmæti, verðið alltaf að hækka allir aðrir búnir að drepa allan sinn þorsk smám saman.

[Hafsteinn Viðar Ásgeirsson, 25.2.2008 kl. 14:14]

Verulega góð hugleiðing hjá þér Örvar og réttmætar spurningar en það er afar erfitt að fá nein viðhlítandi svör við neinu varðandi þorskinn?

[Fannar frá Rifi, 25.2.2008 kl. 15:50]

Það væri gaman ef hafró færi nú oftar út í leit að Þorski heldur en bara í togara ralli. enn betra væri ef þeir tækju upp þessar bergmálsmælingar sem þeir nota við loðnuleit.

maður spyr sig, afhverju eru ekki samihátturinn á mælingu loðnu og þorsks?