Ekki hissa

Ég er ekkert hissa á því að Obama hafi forskot á McCain í skoðanakönnunum nú. Maðurinn er alltaf og endalaust í sviðsljósinu. Fréttirnar snúast endalaust um baráttu Clinton og Obama á meðan McCain er að vinna í undirbúningsvinnunni. Þá er ekki skrítið að Obama sé fólki ofar í huga.

Þetta hefur hins vegar ekkert forspárgildi fyrir sjálfar forsetakosningarnar, það verður ekki fyrr en þegar líða tekur á haustið sem hægt er að fara að líta á skoðanakannanir með þeim augum.

Ég tek það fram að ég held ekkert sérstaklega með McCain í kosningunum. Ég á í raun eftir að mynda mér skoðun. Mér finnst bara að fjölmiðlar séu að tapa sér yfir Obama og menn megi alveg draga andann og telja upp að tíu áður enn þeir ákveða að Repúblikanar séu búnir að tapa.

Ég held ennþá að svo verði ekki.

Obama með forskot á McCain

Athugasemdir

[Sigurlaug Anna Jóhannsdóttir, 22.5.2008 kl. 14:11]

Vinna hvaða undirbúningsvinnu??  Maðurinn er bara þreyttur og gamall og með gamaldags úrelt viðhorf.  Það hefur enginn áhuga á honum sem næsta forseta.  Obama er á tánum alla daga allann daginn, löngu byrjaður sjálfri kosningabaráttunni og að svara McCain.  Hann er núna að leita sér að varaforsetaefni.  Árásir bandarískra hermanna í Írak undanfarna daga, á börn og óbreytta borgara, gerir að verkum að fólk vill að herinn hypji sig burt þaðan og fylkir sér um Obama í þeirri von að hann bindi enda á þetta dæmalausa hernaðarklúður og mikilmennskubrjálæði repúblikana.

[Fannar frá Rifi, 23.5.2008 kl. 08:38]

Sigurlaug.

þó að við, upplýstir Íslendingar viljum sjá Obama sem næsta forseta USA þá höfum við ekkert um málið að segja. 

Repúblikar geta hæglega skotið hann niður í kaf. 

Fyrir það fyrsta þá hét hann Saddam að milli nafni. Hann er svartur (ekki vanmeta fordóma í USA) og síðan er afkomandi múslima (enn einir fordómarnir).

McCain, gömul stríðshetja og stríðsfangi til margra ára er mun líklegri til þess að geta dregið herinn til baka án þess að hreint borgarastríð skelli á í Írak sem myndi gera núverandi skærur að smá kattarslag í samanburði. 

[Sigurlaug Anna Jóhannsdóttir, 23.5.2008 kl. 21:34]

Jú jú það má víst ekki vanmeta heimsku ameríkananna

Það er náttúrulega bara heimska sem veldur því að fólk kýs repúblikana!  Ekkert annað!

En svona í lokin, ef þú hefðir lesið stefnu McCain þá myndirðu sjá að hann hefur engin áform um að draga herinn burt frá Írak, en-in og ef-in eru svo mörg að þau verða aldrei.  Sumir sjá nefnilega ekki veröld sem stríð eru ekki nauðsynlegur partur af....