Táknræn athöfn

Það er mjög táknræn athöfn að ætla að kasta krónunni. Sennilega táknrænna en (euro)kratarnir gera sér grein fyrir.

Á íslensku krónunni eru tákn alls þess sem kastað er ef gengið er inn í Evrópusambandið og tekin upp evra:

Myntin er táknuð með tölunni 1 og kr sem er mynteiningin

Auðlindirnar og fiskimiðin eru táknuð með myndinni af þorskinum

Fullveldi Íslands er táknað með skjaldarmerkinu á bakhliðinni

Krötunum hefur reyndar verið það tamt að hafa lítinn áhuga á fullveldi þjóðarinnar. Strax við stofnun Alþýðuflokksins voru þeir þeir einu sem sýndu fullveldisbaráttunni lítinn áhuga.

Það er áhugaverð spurning hvort fólk á Austurvellinum fái evrur í staðinn fyrir krónurnar sem það kastar, þegar það kastar frá sér fullveldinu, eða hvort það þurfi að skaffa evrurnar sjálft sem það á að taka upp.

Það væri líka táknrænt

Boðið að kasta krónunni

Athugasemdir

[Árni R, 22.11.2008 kl. 15:38]

 þetta er einn stór barnaleikur í gangi þarna og fólk veit ekki hvað það er að kalla yfir sig

[Sigurður Þórðarson, 23.11.2008 kl. 12:06]

Stórkostleg færsla hjá þér Örvar.

Nú róa stjórnvöld að því að vinna krónunni traust á nýjan leik en samfylkingin rær ýmist ekki í takt eða beinlínis á móti.

[Ragnhildur Kolka, 23.11.2008 kl. 15:46]

Flott færsla.