VG mun lúffa

Þetta mál getur ekki farið öðruvísi en svo að annar aðilinn muni gefa sitt upp á bátinn. Mitt mat er að það verði Vinstri Grænir. Af hverju?

1. Evrópusambandsaðild er aðalkosningamál Samfylkingarinnar. Aðild (og jafnvel aðeins aðildarviðræður) á að koma öllu hér í gott stand og koma Íslendingum að háborði Evrópuríkisins. Ég er kannski barnalegur en ég trúi því ekki að Samfylkingin þori að svíkja sína kjarnakjósendur með því að gefa eftir.

2. Vindstri Grænir munu gera allt til að hanga á valdastólunum. Þeir munu geta sannfært sína kjósendur um að vinstri stjórn - á grundvelli félagshyggju, réttlæti og heiðarleika, sé mikilvægari en að standa við sín kosningaloforð!

3. Ég gat ekki betur heyrt en að Svandís gæfi það í skyn að ein þjóðaratkvæðagreiðsla, eftir aðildarviðræður, myndi fullnægja hennar forsendum. Þetta væri allt spurning um samræður eftir kosningar.

4. Vinstri Grænir evrópusambandsandstæðingar geta ekki snúið sér neitt annað. Sjálfstæðisflokkurinn er of langt frá þeim á hægri - vinstri kvarðanum til þess að forystan þurfi að óttast flótta þangað.

Þannig að: Þeir verða stungnir í bakið og þeir eiga eftir að verja það sjálfir!

 Það er mín kenning!

Trúi ekki að Samfylkingin láti stranda á ESB

Athugasemdir

[Örvar Már Marteinsson, 23.4.2009 kl. 01:23]

Sæll og blessaður frændi og gaman að ná sambandi við þig, þótt aðeins rafrænt sé.

Stefna Sjálfstæðismanna er skýr. Verði meirihlutavilji fyrir því á alþingi að ganga til viðræðna við ESB, þá viljum við bera samningsmarkmiðin undir þjóðina í þjóðaratkvæðagreiðslu. Þ.e.a.s. áður en gengið er til samninga. Það er rétt hjá þér að innan okkar raða eru misjafnlega mikill vilji fyrir því að ganga til viðræðna. Ég til dæmis tel það algera tímasóun - nema við séum tilbúin að gefa yfirráðin yfir fiskveiðiauðlindinni upp á bátinn og íslenskan landbúnað einnig. Það er að mínu mati sóun á fé og ekki síður á dýrmætum tíma. Þetta gengur út á það að við göngum í Evrópusambandið en sambandið ekki í Ísland. Ef þjóðin telur það ásættanlegt ætla ég ekki að vera einhver besservisser.  Mér finnst það ekki ásættanlegt.

Það er vissulega úr nokkuð vöndu að ráða hvað varðar stjórnarmynstrið, en mér er nokkuð sama hvað flokkurinn heitir ef hann vill einbeita sér að því að koma efnahagslífinu hér á réttan kjöl með raunhæfum og raunsæjum leiðum.

En frændi. Mér þætti mun skemmtilegra að fá þig til að ræða þetta við mig yfir kaffibolla. Lífrænt er svo miklu betra en rafrænt. Vertu ávallt velkominn í heimsókn til mín.

[Guðrún Sæmundsdóttir, 23.4.2009 kl. 10:06]

Illa upplýstir frambjóðendur.

Svandís veit þó hvað hún er að tala um varðandi ESB aðildarumsókn. V-G,  Frjálslyndir og Sjálfstæðisflokkur gera sér grein fyrir því hvað ESB stendur fyrir.

Hinir flokkarnir nálgast ESB af fullkomnu þekkingarleysi og  ætla bara að prófa að ræða við risann og sjá til hvað hann býður. Hvar hafa þessir frambjóðendur haldið sig undanfarin ár? Hafa þeir ekkert fylgst með fréttum af spillingu og valdníðslu ESB? Hafa þeir ekki hlustað á gagnrýnisraddir almennings í aðildarlöndunum? Að halda það að ESB sé að bjóða íslendingum einstök kjör sem önnur ríki ESB geta ekki látið sig dreyma um, er álíka heimskulegt og að prófa að tala við Kínverja og bandaríkin og sjá til hvort að þessi ríki bjóði íslendingum einhverskonar aðildarsamninga sem eru gjörsamlega frábrugðin allri stefnu þeirra.

Það verður þokkalegt þegar að íslendingar verða kallaðir í ESB herinn sem rætt er um að stofna, og ekki veitir af Evrópuher eftir að Tyrkland er komið inn í ESB, því þá liggja landamæri hinnar sameinuðu Evrópu að Íran og Írak!

En hvað með það þó svo að íslendingar verði í framtíðinni að gegna herskyldu vegna fáfræði Framsóknaflokks Borgarahreyfingarinnar, Samfylkingarinnar og Lýðræðishreyfingarinnar? Við fáum þó Evru! En mun evran lifa kreppuna af?  Af hverju ekki að bíða með gjaldmiðlaskipti þar til að við erum búin að ná okkur upp úr botninum og heimskreppan gengin yfir? Þá væri upplagt að taka upp þann gjaldmiðil sem er hægt að treysta til framtíðar.