Þegar verðbólgan fór minnkandi...

Þeir eru algerar guðsgjafir vinstri mennirnir. Það var einmitt útlit fyrir það að lánin myndu hætta að hækka eins skart og að fólk sem var í hugleiðingum um að kaupa fasteignir gætu mögulega planað eitthvað fram í tímann - sem hefði kannski orðið til þess að frostið á fasteignamarkaðinum minnkaði - þá skoppa þeir fram á völlinn, fallistarnir í hagfræði 103 (hlýtur að vera) og keyra upp vísitölu neysluverðs. Verðbólgan upp, hærra og hærra...

Ég æsi mig ekkert mikið yfir áfenginu og tóbakinu.. en skilja þeir ekki að bifreiðagjöld, olíugjald og vörugjald á bensín fer ekki aðeins út í verðbólguna heldur er þetta auk þess enn einn myllusteinninn um háls fyrirtækjunum og atvinnulífinu. Það virðist vera þeirra efsta mottó að gera fyrirtækjum og þeim sem búa til verðmæti og atvinnu lífið leitt.  Þeir hafa aldrei skilið hvernig hlutirnir virka.

Kommarnir hafa auðvitað alltaf haft horn í síðu fyrirtækja sem ekki eru í eigu og þjónustu ríkisins. Ef einhversstaðar er skapaður peningur halda þeir að hann hljóti að vera illa fenginn og með arðráni. Arðbær fyrirtæki vilja þeir mergsjúga, þar til þau gefast upp.

Aðgerðir ríkisstjórnarinnar hafa gengið út á hefndaraðgerðir, ofsa gegn atvinnulífinu og draumóra. Nú bætist verðbólguinnspýting við aðgerðalistann.

Skilur fólk núna hvað vinstri stjórn þýðir?

Áfengi og eldsneyti hækka

Athugasemdir

[Jónas Rafnar Ingason, 29.5.2009 kl. 00:44]

Það er augljóst að það á að pína fólkið í landinu og fyrirtækin enn meira, en enginn verður síðan dreginn til saka fyrir glæpi gegn íslenskum almenningi. Er ekki að koma tími til að fara að trítla niðu á Austurvöll?

[Sveinn Þór Hrafnsson, 29.5.2009 kl. 05:30]

Eina markmið AGS er að eignast auðlyndir Íslands. Ef þið haldið að Ameríski herin hafi farið frá svo snögglega frá Íslandi árið 2006 til að spara pening, þá skjátlast ykkur.

Eina ástæðan var svo AGS gæti ruðst inná okkur, og heimtað einkavæðingu á okkar orkugeira. Og þar með munu þeir eignast allvöru örku sem mun duga þeim aldir áfram, eða mun lengu en olían í Írak.

Við þurfum bara að fatta hvað er raunverulega að ské fyrir okkur áður en um seinan er..

[Villi Asgeirsson, 29.5.2009 kl. 10:22]

Það er orðið nokkuð ljóst hvað vinstri stjórn þýðir. Því miður sannaðist það í haust að hægri stjórnir eru ekki betri, langt í frá. Það eina sem hefði getað bjargað því sem bjargað varð, var þjóðstjórn eða utanþingsstjórn. Það gekk ekki, því pólitíkusarnir vilja ekki missa takið á spenanum.