Allt í fína, í kommúníska kína

Fyrst að ekki var talað um það sem þau greinir á um er bara ekkert sem þau greinir á um! Eða hvað?

Það er ein leið til þess að forðast uppgjör að ræða ekki þau mál sem fólk greinir á um. En eru þá málin leyst? Eru þá allir sáttir?

Eða er Ögmundur sáttur við að lúta í lægra haldi og lúffa? ,,Ég var búinn að segja af mér! Þá er ekkert mér að kenna!"

Ef þetta er raunveruleikinn og Ögmundur telur þá fundi sem ekki taka á þeim vandamálum sem taka þarf á góða og jákvæða þá er mér farið að finnast að Ögmundur hafi ekki sagt sig úr ríkisstjórninni af neinni sérstakri hugsjón eða prinsippi fyrir íslenska þjóð...

hann flúði bara af hólmi

Fundi VG lokið

Athugasemdir

[Magnús Þór Jónsson, 8.10.2009 kl. 00:30]

Sagði þér það Örvar.  Það er sumum um megn að taka erfiðar ákvarðanir og svara fyrir þær.

Það risti ekkert dýpra, svo allt í einu þegar hann sá að einhverjir töldu hann "vörð lýðræðis og vönd réttlætis" leyfði hann sér að njóta ljóssins en koðnaði um leið og Steingrímur kom heim.

Feginn að hann er ekki í mínu umboði við Austurvöll!!!

[Örvar Már Marteinsson, 8.10.2009 kl. 01:43]

Hann fékk þó amk opnuviðtað í Mogganum

[Ágúst Valves Jóhannesson (IP-tala skráð) 8.10.2009 kl. 02:27]

Blessaðir drengir og ágætu sveitungar Örvar og Magnús.

Nú skal ég segja ykkur frá því hvað ég held Ögmundur sé nú að gera.

Ögmundur er að gera tvennt það besta í stöðunni eins og góður stjórnmálamaður gerir, fyrst er hann að halda því lífi í lang hæfasta ríkisstjórnarkost Íslands og einnig er hann að koma sínum sjónarmiðum ásamt margra annarra í lykilstöðu, þ.a.s. koma Icesave málinu út á sem farsælastan hátt. Hvað er farsæll háttur fyrir alla aðila? Það er að fyrirvarar um ríkisábyrgð á Icesave samningnum verði virtir og ekki haggað frá þeim. Einnig að lýðræðisleg og opin stjórnsýsla verði viðhafin í því vinstri sem núverandi ríkisstjórn hefur.

Það er ljóst að eftir afsögn hans þá er staða Íslands orðin mun sterkari út í Alþjóðasamfélaginu en ella. Sem þýðir að AGS, Bretar og Hollendingar segja nú við sjálfa sig; "bíddu, bíddu, á Íslandi láta ekki allir vaða yfir sig. Við verðum að fara að hlusta á þeirra sjónarmið".

Viðtal Moggans við Ögmundar var frábært og sýndi að þar fer maður sem fer eftir sínum skoðunum og að von fyrir íslensku þjóðina að úti séu enn traustir stjórnmálamenn eftir sl. 20 ára valdapólitík Sjálfstæðisflokksins. Annað vil ég segja um þetta viðtal og það er það að Davíð Oddsson sannar það að hann er ekki endilega sá fasistaritstjóri og áróðursritstjóri ákveðins arms í Sjálfstæðisflokknum. En enn þarf þó að sannfæra mig.

En ég vill nota tækifærið Örvar þar sem ég er að skrifa hérna á þína ágætu síðu að spyrja þig: Ert þú hliðhollur svokallaðri skrímsladeild Sjálfstæðisflokksins?

Magnús, ég skal segja þér eitt að hvar sem þú ert í pólitík og mér er svo sem sama um það að þá kemst enginn nærri því að vera "vörður lýðræðis og vönd réttlætis" en Ögmundur. Jóhanna Sig? Forget it.

[Örvar Már Marteinsson, 8.10.2009 kl. 11:00]

Afi minn kenndi mér nokkrar öfugmælavísur þegar ég var krakki. Þær voru þó langt frá því að vera eins öfugsnúnar eins og þær sem eru hér í athugasemd númer 3. Vel að verki staðið - skáldagáfan leynir sér ekki.

[Örvar Már Marteinsson, 8.10.2009 kl. 23:00]

Spurningunni um skrímsladeildina var ósvarað. Hér er hreinskilið svar:

Það er verulega á reiki um hvernig sú deild er skilgreind. Síðastliðið ár hefur sá hópur verið skilgreindur sem þeir Sjálfstæðismenn sem hafa tekið hreinskilna afstöðu gegn aðildarumsókn Íslands að Evrópubandalaginu. Ef sú skilgreining er sú rétta þá er ég hliðhollur skrímslunum, já. Jafnframt er ég á þeirri skoðun að Björn Bjarnason (sem ég heyri að er settur í skrímsladeildina) sé verulega vanmetinn stjórnmálamaður og hann óx mjög í áliti hjá mér á síðustu 4 eða 5 árum. Davíð var og er snillingur, en það þýðir samt sem áður ekki endilega að ég yrði ánægður með að hann myndi snúa aftur. Við getum ekki byggt allt okkar á einum manni - við eigum nóg af almennilegu fólki og þurfum ekki að hætta í útgerð þótt góður skipstjóri hafi farið í land.

Innan Sjálfstæðisflokksins eru menn auðvitað misjafnlega mikið til hægri eða vinstri en umræðan um deildaskiptingu er á köflum barnaleg........ hún er samt oft skemmtileg.

Ég vona að þetta hafi svarað spurningunni Ágúst og vertu velkominn á síðuna mína sem oftast.

[ElleE (IP-tala skráð) 11.10.2009 kl. 22:17]

". . kemst enginn nærri því að vera "vörður lýðræðis og vönd réttlætis" en Ögmundur. Jóhanna Sig? Forget it."   Já, Jóhanna er fullkomlega andlýðræðilegur og óhæfur einræðis-sinni.  Öfugt við Ögmund.  Þarna talar maður af viti.    

[ElleE (IP-tala skráð) 11.10.2009 kl. 22:18]

Andlýðræðislegur.