Ortler taka 1.

Nú var komið að því að fara á hæsta fjall í Suður Týrol. Ortler.

 

Ég lagði af stað fyrir hádegi og keyrði sem leið lá fyrst til Bozen (Bolzano) og þaðan til norðurs og vesturs í Vinschgau dal alla leið til Sulden þar sem Angela Merkel eyðir sumarfríinu sínu í næstu viku.

 

Frá Sulden gekk ég svo af stað eftir gönguleið nr. 4 í gegnum furuskóg og síðan í urð og grjóti.

 

 

 

 

 Eftir 1 og 1/2 klukkustundar göngu væri hægt að koma við í Tabaretta Huette og kaupa sér veitingar eða jafnvel gistingu, eins og í flestum ef ekki öllum svokölluðum fjallakofum. En þeir eru oft fyrirtaks veitingarhús. Ég gekk hins vegar áfram, upp hlíðina og utan í klettana og vestur yfir klettakambinn.

Þaðan var ekki mjög langt upp í Payer Huette þar sem ég átti pantaða gistingu og átti að hitta leiðsögumanninn sem átti að klifra með mér og fara á jökulklæddann Ortler toppinn næsta morgun.

 

 

 Uppi við kofann í 3029 m hæð var einnar gráðu hiti, og varla mikið hlýrra í herbergjunum. En þar voru þykkar sængur og teppi og heit súpa í Payer Huette fjallakofanum yljaði manni fyrir svefninn.

 

 

 

 

 

 

 

Næsta morgun kl. 6. blasti við manni bókstaflega ískaldur veruleikinn.

Það hafði snjóað rækilega um nóttina og rétt ofan við fjallakofann var ennþá blinda og of sleipt til að klifra í klettabeltinu neðan við jökulinn.

Því miður ekki annað að gera en að snúa aftur niður til Sulden og reyna aftur síðar.....Dapurlegt, en eitt af því sem fylgir því að vera til fjalla.

Gengur vonandi betur næst