,,Erum að brenna á tíma"

McCain hélt ræðu í New York fyrir stundu þar sem hann sagði nauðsynlegt að bregðast strax við efnahagsvandanum með aðgerðum. „Það er ljóst að engin samstaða ríkir um tillögu ríkisstjórnarinnar. Ég hef ekki trú á því að þær áætlanir sem nú eru uppi á borðinu verði samþykktar án breytinga, og við erum að brenna á tíma.“ 

McCain vill takast á við efnahagsvandann og gefur í skyn að það sé mikilvægara verkefni en kosningabaráttan. Auðvitað er það líka hluti af kosningabaráttunni. Honum er hins vegar mjög mikilvægt að slegið sé á efnahagsvandann, amk. tímabundið, og áhyggjur fólks minnkaðar. Það má því að mörgu leiti taka hann trúanlegan þegar hann segist vilja leggja sitt á vogarskálarnar í þeirri baráttu. Hvort hans hjálp skipti máli eða yfirleitt annarra stjórnmálamanna yfirleitt er svo annað mál.

Það er hins vegar hætt við að Obama dragi lappirnar í því að bregðast við vandanum. Sjálfsagt þykist hann vera alveg á fullu en af því að þetta efnahagsóveður virðist blása honum byr í seglin mun hann ekkert flýta fyrir lausn vandans, nema síður sé. Hann leggur í mesta lagi inn einhverja flotta ,,kratafrasa" aftur eins og ,,Það verður að nútímavæða efnahagskerfið". Eitthvað sem engin frekari skýring kom á og enginn skilur. Sennilega ekki Obama sjálfur. En þetta hljómar flott og kúl í augnablikinu.

Hinn almenni borgari er að brenna á tíma - en tíminn vinnur með Obama, á kostnað borgaranna.

McCain vill fresta kappræðum

Athugasemdir

[Smyrill (IP-tala skráð) 24.9.2008 kl. 21:39]

Hvað segja stjórnmálafræðingar okkar um þetta hik bandarískra þingmanna á að afgreiða tillögu og stefnu forseta þeirra og fjármálaráðherra?  Heldur ekki gengi ísl. krónunna áfram að falla meðan málið er í einhverskonar uppnámi fyrir vestan? Nóg er nú samt! - Almenningur fær lítið að heyra frá yfirvöldum landsins,  um hvað er raunverulega að gerast í þessum þrenginum !!

[Villi Asgeirsson, 25.9.2008 kl. 08:09]

Þetta er kosningatrikk hjá McCain. Ég veit ekkert hvor yrði betri fyrir fjárhag USA. Geri samt ráð fyrir Obama, því McCain mun sennilega halda áfram Bush ruglinu sem er að koma þeim í þrot.

Örvar, ef þú hefur áhuga á stjórnvöldum og vilt fylgjast með þeim með gagnrýnum augum, dragðu þá allt í efa. Ekkert er sem það sýnist. Af hverju gerir McCain þetta? Það er ástæða, og hún er ekki að hann finni til með litla manninum. Hann er að reyna að vinna kosningar og telur sig geta sett sig í jákvæðara ljós með því að tala um Ameríkana (ekki reb og dem), patriotism (mest sexy orð í amerísku orðabókinni) og að Obama skuli koma og standa með sér. Obama á að bregðast við með jái og virðast þannig veikari en McCain.

[Sigurlaug Anna Jóhannsdóttir, 25.9.2008 kl. 12:44]

Tek undir með síðasta ræðumanni!  Þetta er allt leikrit sem sett er á svið í einum tilgangi sem er sá sami beggja megin borðsins.  Þegar upp er staðið vinnur sá sem er betri leikari.  Embættismenn og starfsmenn stjórnsýslunnar í USA munu sjá til þess að skútan sigli nokkurn vegin á sama tempói og áður.  Þau völd sem forsetinn raunverulega hefur og getur haft eru ekki svo ýkja mikil.  Vonin sem ég sé í Obama er að hann muni taka hænuskref í rétta átt, sem að mínu mati er í burtu frá dauðarefsinga, hernaðarglaða trúarbragðaíhaldsflokknum sem McCain, Bush, Cheaney og Rumsfeld eru í.