Grafa sína eigin gröf

Demókrataflokkurinn er augljóslega að skjóta sjálfan sig í báða fætur með því að kosningabarátta Clintons og Obama er látin dragast svona á langinn. Smátt og smátt eru þeir að grafa sér sína eigin gröf, fyrir forsetakosningarnar sjálfar. Það hlýtur að hlakka í repúblikönum.

Clinton og Obama skerpa klær

Hvað gera stjórnvöld ?

Þetta er náttúrulega allt íslenskri efnahagsstjórn að kenna! Óstjórn síðustu ára og hirðuleysi er að orsaka hrun í efnahagsmálum heimsins!

Ætla íslensk stjórnvöld ekkert að bregðast við þessu? Ætla íslensk stjórnvöld bara að sitja hjá og sjá fjárfestingar Íra, Spánverja og Breta fara í súginn?

Er ekki kominn tími til að ganga í Evrópusambandið til að redda málunum hérna heima?

Ha? Eru þessi lönd í Evrópusambandinu? Æi, skiptir ekki... allavega hvað gera stjórnvöld? EKKI NEITT!

Fasteignaverð á hraðri niðurleið

Kosningakaffi

Hér höfum við ráð til að bregðast við þessu. Á kjördag er hægt að kjósa og fara svo og fá sér kosningakaffi, alveg aðskilið. Maður þarf ekki að éta kjörseðilinn sinn.

Svona getum við nú kennt þeim eitt og annað.

Borðaði kjörseðilinn í stað þess að kjósa

Íslendingar ein þriggja þjóða þar sem fæstir eru undir lágtekjumörkum!

Nú ætla ég að fikra mig út á ísinn hála.

Ég byrja á því að spyrja: Mætti ekki skipta um fyrirsögn? Mér finnst mun stærri frétt að Íslendingar eru meðal þeirra þriggja þjóða þar sem fæstir eru undir lágtekjumörkum. Það finnast mér þrælgóðar fréttir. Slíkar fréttir vekja bar enga lukku.

Að vera undir lágtekjumörkum er að sjálfsögðu ekki gott og sá hópur þarf að vera í algeru lágmarki. Lágtekjumörk eru hins vegar reiknuð á þann hátt að það verður alltaf einhver hópur undir lágtekjumörkunum.

En ég spyr þá sem hafa hvað hæst um Evrópuverð á matvælum (sem er auðvitað ekki til): Eigum við að taka upp Evrópustandardinn í þessu líka?

Þetta var góð frétt, ekki slæm!

 

Tæplega 10% fyrir neðan lágtekjumörk á Íslandi

Alveg sjálfsagt

Auðvitað er alveg sjálfsagt að eyða tíma og peningum skattborgara (okkar) í að skoða aftur og aftur hugmynd sem aftur og aftur reynist óraunhæf.

Það væri kannski sniðugt að draga kostnaðinn frá sérstökum eftirlaunakjörum ráðamannanna.

Hver veit? Kannski væri þetta þá skoðað aftur og aftur og aftur.

Samgönguráðuneytið tekur vel í að skoða léttlestakerfi

Hugmyndaauðgi

Þetta er magnað. Enn og aftur er Breiðholtið í fréttum vegna rána. Þetta væri vissulega orðið leiðigjarnt ef ekki væri fyrir hugmyndaauðgi ræningjanna. Garðáhöld eru nú nýjasta atvinnutæki glæponanna, enda liggja þau ónotuð og engum til gagns á þessum árstíma. Þetta er allt spurning um nýtingu.

Ég giska þá á að það verði snjóskóflur í sumar.

Rændu búð með garðklippum

Spurningar

Þetta er á margan hátt undarlegt, fyrir utan það hvað þetta er svínslegt. Það væri áhugavert að vita hversu mikið af leigutekjunum eru gefnar upp til skatts, í ljósi þess að ekki er um neinn leigusamning að ræða. Athugar það enginn?

Í öðru lagi finnst mér furðulegt að ósamþykkt íbúðarhúsnæði fái að vera í slíkri útleigu. Af hverju er það þá ósamþykkt?

Leiguverðið stjórnast nú sjálfsagt af framboðinu en HALLÓ - það hlýtur einhver að sjá sér hag í að bjóða upp á skárri kost en þetta. Eða eru bara allir sammála um að þetta sé réttlætanlegt?

Þetta er í hæsta máta undarlegt. Beita neytendasamtökin sér ekkert í svona málum?

Eða eru Pólverjar kannski ekki neytendur?

Kytra leigð á 90.000

Veðurblíða

Síðustu  2 dagar voru undurfagrir og blíðir. Slíkir dagar skila manni svo miklu þegar búið er að vera með hausinn undir sig á móti vindum og veðri vetrarins.

Ég vil nú ekki vera frekur en ég óska þess að veðurguðirnir færi okkur meira svona. Læt fylgja hérna mynd af fallegasta fjalli landsins.

Hissa

Nú er ég svo aldeilis hissa!

Svona álíka hissa eins og þegar félag fasteignasala lýsti yfir vonbrigðum sínum með ummæli forsætisráðherra um að fólk ætti að fara varlega í húsnæðiskaupum.

Ég held að staðreyndin sé einfaldlega sú að núverandi umhverfisráðherra er einfaldlega á móti verkefninu. Það er alveg sama hvaða forsendur hefðu verið uppi, hún hefði leitað leiða til að stöðva verkefnið. Það er auðvitað skoðun sem henni er velkomið að hafa. Hún ætti bara að hafa manndóm í sér til að koma hreint fram með það í stað þess að efast um þetta og hitt. Ærlegir og hreinskilnir pólitíkusar hugnast mér betur en þeir sem fara í kring um hlutina með japli og jamli.

Persónulega er ég fremur hlynntur stóriðju, þótt vissulega hafi ég efasemdir um að aukinn vöxtur og þensla á SV- horninu sé af hinu góða. Ég hefði fremur viljað sjá Húsavík koma á undan, eða stóriðju á Vestfjörðum, sérstaklega ef þetta er orðið einhver spurning um ,,deadline" gagnvart heimildum.

En þetta á áreiðanlega eftir að koma Reyknesingum vel.

Fagna gagnrýni umhverfisráðherra

?

 

????????????? !

Andapabbi

Hefur fólk í alvörunni svona lítið við tímann að gera?

Ég er svoooooo feginn að greiða ekki útsvarið mitt til Reykjavíkur

Vilja ráða andapabba til starfa við Tjörnina