Tilliástæða Brusselfarans

Ég held að fylgismenn hugmyndarinnar um að taka upp evruna séu eingöngu að reyna að nota sér múgæsing í þessu sambandi til að ýta okkur inn í Evrópusambandið. Það er reynt að tala krónuna niður við hvert tækifæri sem gefst. Svo þegar það sjónarmið kemur fram að ekkert mál sé að taka upp evruna einhliða og án þess að ganga í Evrópusambandið, þá er sem minnst gert úr því, hummað og ha-að og sagt að það væri nú samt betra að ganga skrefið til fulls. Það er sem sagt ekki málið að taka upp evruna, heldur er það draumur viðskiptaráðherrans að komast til Brussel. Mín vegna má hann fara með þessar hugmyndir sínar mikið mikið lengra í burtu.

Hvað er eiginlega málið? Ef krónan er svona slæm hlýtur lausnin að vera sú að auka frelsi til að nota þann gjaldmiðil sem hverjum og einum hentar, krónur, dollara, evrur, skeljar. Þá verður á endanum besti gjaldmiðillinn ofaná. Við þurfum allavega ekki að ganga í Evrópusambandið til þess.

Ekkert sem kallar á gjaldmiðilsbreytingu nú

Athugasemdir

[Fannar frá Rifi, 6.9.2007 kl. 12:53]

Krónan á að vera til nota innanlands. Við ættum hinsvegar að gefa öllum fyrirtækjum og öðrum tækifæri á að gera upp í erlendum myntum hér á landi. Það skapar okkur skatttekjur og eykur efnahagsfrelsi landsins. Það gerir líka landið mun físilegri kost til þess að hafa fjármála miðstöðvar hérna ef það er ekki gert upp á milli gjaldmiðla.

[Sigurlaug Anna (IP-tala skráð) 6.9.2007 kl. 16:33]

Þjóðin er orðin örvæntingarfull á því að búa við hæsta verð í heimi á (næstum) öllum hlutum sem og að vera eina þjóðin á byggðu bóli sem þarf að þola óþolandi verðtryggingar.  Sama hvað ég borga mikið í íbúðinni minni eignast ég minna og minna í henni.  Það er ekkert skrítið að fólk fái rugluna við þetta ástand!!!

[Fannar frá Rifi, 6.9.2007 kl. 16:51]

En á hinn boginn búum við við hæstu laun í heimi. Þá á ég við hæstu meðal laun. En við getum náttúrulega alltaf lækkað verðið ef við erum tilbúinn að fórna eftirtöldu. Að þeir sem vinna í búðum og við þjónustu taki á sig 50% kjaraskerðingu. það ætti að geta lækkað verðið á matvælum og annarri þjónustu um allavega 25-30%. Nei, ekki góð hugmynd?