Úrelt viðskiptabann?

Ég tek það strax fram að ég er ekkert sérlega fróður um Kúbu.

Samt sem áður leiðir maður hugann að því hvort ekki sé orðið tímabært að aflétta viðskiptabanninu. Nú er kominn nýr þjóðhöfðingi (þótt Castro virðist enn bæra á sér við og við) sem hefur boðað vissar breytingar, amk. í orði.

Það sem ég velti fyrir mér er það hvort viðskiptabannið haldi Kúbverjum í Kommúnisma. Þá er það í raun að virka þveröfugt á við það sem það átti að gera. Ætti ekki frekar að vinna meira í því að koma á frjálsum viðskiptum með öllum ráðum? Þá er ekki ólíklegt að fólk snúi baki við stjórnkerfinu.

Það væri kannski reynandi að koma á samningum um afnám viðskiptabannsins samhliða breytingum í viðskiptaumhverfinu. Miðað við núverandi aðstæður gætu stjórnvöld á Kúbu verið tilbúin að reyna slík skref. Þegar allt er stál í stál breytist ekki neitt nema það að Hugo Chaves nýtur meiri og meiri hylli.

Ég held að opnun markaða gæti leyst þá frá kommúnismanum. Nú, ef ekki, þá er hægt að skella í lás aftur.

 

Uppbygging erfið á Kúbu

Athugasemdir

[Sindri Guðjónsson, 22.9.2008 kl. 16:41]

Sæll gamli skólafélagi!

Ég held að viðskipti séu yfirleitt til þess fallinn að auka möguleika á friði og góðum samskiptum. Bandaríski frjálshyggjumaðurinn Ron Paul, sem var í framboði í forsetaefnis forvali Repúblikanaflokksins, er t.d. hlynntur því að viðskiptabanninu gegn Kúbu verði aflétt. (minnir mig amk sterklega).

[Örvar Már Marteinsson, 22.9.2008 kl. 21:23]

Sæll skólafélagi! Ég má ennþá vera í SUS þannig að milliorðinu er ofaukið.

Ég er alveg sammála þér. Held að þarna sé um vítahring að ræða sem virkar eins og vatn á millu kommúnistaleiðtoga í S - Ameríku og víðar. Þarna geta þeir bent á grimmd kapitalismans og Kanans. Sjálfsagt vona hinir sömu að viðskiptabanninu verði helst aldrei aflétt!

[Sindri Guðjónsson, 24.9.2008 kl. 11:33]

Ég bist auðmjúklegra afsökunar. Þú ert auðvitað ekki gamall!

Það er annars athyglisvert hversu mikið álit sumir vinstrimenn hafa á Kananum. Þeir kenna viðskiptabanni USA um hörmungar og fátækt í Kúbu. Kúbu menn stunda hins vegar viðskipti við nánast allar aðrar þjóðir í heimi. Vinstrimennirnir eru þar með að viðurkenna að engir nema USA hafi gott að bjóða Kúbverjum, og aðeins viðskipti við Kanann, dugi til að rétta Kúbu við. (þannig hljómar það allaveganna í mínum eyrum, ég meina, hver getur hagnast og grætt, nema hann sé í góðum viðskiptum við USA?)

Aðalvandamálið er auðvitað ekki viðskiptabannið, heldur sósíalisminn, og það á að aflétta þessu banni.