Þakkir

Eftir góðan prófkjörsdag er ekki annað að gera en að kasta mæðinni - líta á háskólapóstinn og undirbúa verkefnavinnu sem hefur setið á hakanum síðustu daga (en skilafrestir nálgast óðfluga), og halla sér svo á koddann og bíða morgunsins.

Það verður ekki byrjað að telja atkvæðin fyrr en kl. 9 í fyrramálið og því veit maður í raun akkúrat ekki neitt.

Fyrrum háseti minn kenndi mér mikilvæga lífsspeki: Þegar búið er að leggja línurnar og maður fer að taka fiskinn inn fyrir, þá fær maður hvorki meira né minna en það sem guð gefur manni. Og maður verður bara að vera ánægður með það. Ekki breytist það við óánægjuna. AMK ekki til batnaðar.

Ég vil bara þakka öllu því góða fólki sem hjálpaði mér í dag. Ekki síst blessuðum konunum sem halda heiðri Snæfellinga á lofti með sínum Hnallþórum og Stríðstertum undir Jökli. Kosningakaffi í Snæfellsbæ er einfaldlega engu líkt!

Takk

Athugasemdir

[Helgi Kr. Sigmundsson, 26.3.2009 kl. 01:03]

Kæri vinur.

Þakka þér fyrir kynnin og ég naut þess sérstaklega að upplifa það að eiga jafn góðan skoðanabróður og þú ert.  Sjáumst á landsfundi og tökum til okkar ráða.  Bestu kveðjur að vestan.

 Helgi