Athyglisvert

Nú eru Vinstri Grænir í raun búnir að gefa skít í ,,forgangsverkefni" samstarfsflokks síns, Samfylkingarinnar, þ.e. persónukjörið. Enda hafa þeir lýst því yfir að of stuttur tími sé til stefnu og eru auk þess ekkert sérstaklega áhugasamir um persónukjörið þar sem það dregur úr áhrifum þeirra til að fikta í uppröðuninni eftir að kosið hefur verið á listana (kynjakvótar og svo framvegis). Þarna kemur einn bresturinn í ljós.

Það er merkilegt að þessir flokkar sem þykjast eiga svo margt sameiginlegt, skuli í raun ekki geta unnið betur saman.

VG með forval í Reykjavík

Til Hamingju

 

 Einn Íslendingur var með allar tölur réttar í Víkingalottóinu og vann 107.433.890 krónu.

Ég vil óska vinningshafanum til hamingju með vinninginn.

Auðvitað hefði verið skemmtilegra ef þetta hefði verið ég.... en ég asnaðist ekki til að spila með og því er lítið að gera við því, nema samgleðjast.

Það er frábært að þessi vinningur skuli falla í skaut Íslendingi því manni hefur fundist að það gerist allt of sjaldan.

Frábært! Njóttu vel!

Íslendingur vann 107 milljónir

Búinn

Ég er búinn að skila af mér uppgjöri vegna prófkjörsins. Tók saman kostnað og ,,tekjur" og sendi með bankayfirliti og ljósriti af öllum nótum.

Þetta var svosem ekkert flókið - útgjöld voru töluvert hærri en styrkir (sem komu aðallega frá foreldrum mínum) og mismunurinn kom auðvitað úr eigin vasa og ég hafði ekkert fólk í vinnu þannig að ekki þurfti að gera grein fyrir launakostnaði.

En sennilega eru hlutirnir mun flóknari hjá mörgum öðrum og þá ekki síst á höfuðborgarsvæðinu.

En þetta er ágætis regla.

75 frambjóðendur ekki skilað upplýsingum

Skjaldborgin

Það er alveg með ólíkindum hvað Samfylking og Vinstri Grænir standa vel vörð um hagsmuni Breta og Hollendinga. Þetta er alvöru skjaldborg.

Eitt er það að gera samning um það að taka á sig þessar skuldir, sem mér finnst ekki vera skuldir íslensks almennings - annað og enn magnaðra er að ætla að samþykkja samning sem gerir okkur extra erfitt að rísa undir þessu. Samningur er ekki það sama og samningur!

Þetta eru snillingar í að gera slæma samninga!

Breyttur hagvaxtarfyrirvari getur valdið hærri greiðslum

Pólitískur ruslahaugur

Ottinger tilnefndur í Framkvæmdastjórn Evrópusambandsins 

"Þýskir fréttaskýrendur segja ljóst, að með þessari tilnefningu sé Merkel að losa sig við óþægilegt pólitískt vandamál. Þau Merkel og Oettinger lentu nýlega í deilum þegar togast var á um framlög úr þýska ríkiskassanum. Þá lenti Oettinger á milli tanna á fólki árið 2007 þegar hann varði nasistafortíð fyrirrennara síns í embætti þingforseta  Baden-Württemberg, en sá var þá nýlega látinn.

Blaðið Süddeutsche Zeitung sagði einnig í dag, að útnefning Oettingers undirstrikaði að þýsk stjórnvöld teldu að framkvæmdastjórn Evrópusambandsins skipti æ minna máli."

Þetta er ekki í fyrsta skipti sem óþægilegir og erfiðir pólitíkusar fá svona fína útnefningu, sem þeir geta auðvitað ekki hafnað. Framkvæmdastjórastaðan er góð leið fyrir þjóðarleiðtoga til að losna við einhverja vandræðagepla án þess að þeir verði með uppsteit.

Það er því ekki hæfni manna sem ræður því hvort þeir eru fulltrúar í Framkvæmdastjórninni heldur hitt að það þurfi að losna við þá einhvers staðar annars staðar.

Við erum að sækja um að vera stjórnað af þessari framkvæmdastjórn.

Frábært!

Undrun vegna nýs ESB-fulltrúa Þýskalands

Niðurstaða?

Er þetta þá niðurstaðan? Eru Jóhanna Sigurðardóttir og Steingrímur J búin að nauðga þessu í gegn um sína þingflokka? Ætla Vinstri grænir í alvöru að láta þetta ganga yfir sig? Þetta eru þau búin að vita í allmarga daga og eru búin að vera að tryggja sér meirihluta í þinginu. Ég trúi því ekki að þingflokkur Vinstri grænna samþykki. Hvar er nú hetjan Ögmundur - sem sagði sig úr ríkisstjórn til að hægt yrði að koma þessu í gegn?

Nú er kominn tími til að þingmenn og konur sem hafa einhvern snefil af sjálfsvirðingu taki á sig rögg og hafni þessu rugli - þessari nauðgun á Alþingi. Nú verða þingmenn að samþykkja vantraustsyfirlýsingu á ríkisstjórnina og mynda nýja - sem hefur eitthvað bein í nefinu og fer dómstólaleiðina. Segið NEI!

Núverandi ríkisstjórn hefur ekki gert nokkurn skapaðan hlut án þess að það hafi gert illt verra. Ekkert!!! Og nú ætla þau að lúffa fyrir Bretum og Hollendingum til þess að auðvelda sér leiðina til Brussel. Eitt og sér, ákvæðið þar sem segir að enda þótt dómstólar komi til með að úrskurða þannig að Íslendingar eigi ekki að borga þessa peninga, þá eigum við samt að borga þá - bara þetta ákvæði segir það svart á hvítu að Bretar og Hollendingar telja sjálfir að réttarstaða þeirra sé slæm!

Vinstri Grænir og Samfylkingarþingmenn eru lufsur og ræflar, ef þeir ætla að láta formenn sína komast upp með það að hnýta snöruna sjálfa, bregða henni um háls okkur og herða að.

Rísið upp þingmenn! Þið eigið að verja okkar hagsmuni. Skömm ykkar verður annars mikil og ævarandi.

Þetta má ekki gerast!

Icesave-fyrirvörum breytt

Allt í fína, í kommúníska kína

Fyrst að ekki var talað um það sem þau greinir á um er bara ekkert sem þau greinir á um! Eða hvað?

Það er ein leið til þess að forðast uppgjör að ræða ekki þau mál sem fólk greinir á um. En eru þá málin leyst? Eru þá allir sáttir?

Eða er Ögmundur sáttur við að lúta í lægra haldi og lúffa? ,,Ég var búinn að segja af mér! Þá er ekkert mér að kenna!"

Ef þetta er raunveruleikinn og Ögmundur telur þá fundi sem ekki taka á þeim vandamálum sem taka þarf á góða og jákvæða þá er mér farið að finnast að Ögmundur hafi ekki sagt sig úr ríkisstjórninni af neinni sérstakri hugsjón eða prinsippi fyrir íslenska þjóð...

hann flúði bara af hólmi

Fundi VG lokið

Dálítið ósanngjarnir kostir....

,,Jafnvel vaxandi skilningur á því að við höfum sætt dálítið ósanngjörnum kostum. Það sé ósanngjarnt að okkar mál séu föst vegna óskyldra deilumála. Það er að verða hin vandræðalegasta staða fyrir alla."

Þetta er ein leið til að orða það. Nú er hinn orðheppni Steingrímur orðinn bensínlaus.

Að það séu dálítið ósanngjarnir kostir að íslenskur almenningur eigi að bera ábyrgð á því að evrópska bankakerfið hrynji ekki út af gölluðu Evrópusambandsregluverki er að mínu viti mjög varlega orðað - Öðruvísi mér áður brá.

Dálítið ósanngjarnt!    

Búist við löngum fundi

Afsökun eða ekki afsökun, það er spurningin

Stundum hefur verið mikið fárast yfir því að menn skuli ekki vilja biðja þjóðina afsökunar á hlutum sem þeir eiga þó ekki endilega sök á. Hrópað er yfir því að menn skuli ekki ,,axla ábyrgð". Gott og vel.

Síðan eru þeir sem sjá sér leik á borði og telja að með afsökunarbeiðni, sem kostar ekki neitt, vinni maður sér inn velvild, ,,maður að meiri" og svo framvegis. Er það betra?

,,Snautlegt" hefði fyrrverandi stjórnarandstöðuþingmaður einhverntíman sagt.

En staðan er stundum erfið hjá pólitíkusunum sem þurfa að hugsa um sína pólitísku ímynd fyrst og fremst - Að biðjast ekki afsökunar vekur reiði - sálarlaus afsökunarbeiðni vekur upp flökurleika.

En fyrst hún er nú að þessu ætti hún kannski að biðjast fyrirfram afsökunar á nokkrum atriðum, sem hún ber nú fulla ábyrgð á:

Að ljúga að þjóðinni með því að segjast koma Íslandi út úr kreppunni eins fljótt og hægt er á grundvelli norrænna velferðargilda.

Að gera flest það sem dýpkar og lengir kreppuna og gerir okkur erfitt að komast út úr vítahring ríkissósíalisma. Í ríkissósíalisma eru sum tímabil ekki verri en önnur - þau eru öll slæm. Það bara tekur enginn eftir kreppunum því uppsveiflurnar eru svo fáar og smáar.

Að vinna markvisst að því að draga úr hagsveiflum með þeirri aðferð að láta okkur endalaust sleikja botninn - Það heitir ,,flatline". (eða dauðinn í skel).

Að selja okkur undir erlend yfirráð Evrópusambandsins - og gera til þess allt til að þjóna Bretum og Hollendingum af ótta við að þeir standi í vegi fyrir umsókn okkar. Það heitir þrælsótti eða von um klapp á kollinn fyrir að vera dyggir hundar.

Fyrir að ljúga að þjóðinni gagnslausum, innihaldslausum kosningaloforðum sem voru á sínum tíma eingöngu til þess fallin að nýta örvæntingu og ótta íslenskra borgara.

 AÐ SÍÐUSTU MÁ BENDA Á ÞAÐ AÐ ÞAÐ HEFUR EKKERT, AKKÚRAT EKKERT, AÐ GERA MEÐ FRJÁLST MARKAÐSHAGKERFI AÐ ÍSLENSKUR ALMENNINGUR Á AÐ TAKA ÁBYRGÐ Á ERLENDUM SKULDUM EINKAFYRIRTÆKJA. ÞAÐ SKRIFAST Á SÓSÍALISMA (og jaðrar að vísu við masókisma)!

Og þar hafiði það!

Biður þjóðina afsökunar

Kúgun!!!

Ég verð að segja að dramað og hysterían hjá mörgum bloggurunum sem hafa skrifað við þessa frétt fær mig til að taka bakföll af hlátri. Og ég er viss um að nýráðnir ritstjórar myndu líka fá heilahristing af slíkum hlátursrokum  - ef þeim dytti í hug að lesa eitthvað af blogginu. Davíð er þeirri náðargáfu gæddur að hann gæti fengið vinstri sinna til að lifna við og taka heljarstökk af reiði þótt hann hefði verið dauður og uppstoppaður á náttúrugripasafni í 100 ár.

Og alltaf skulu þeir falla í gildruna og tryllast. Það er ekkert smá fyndið. Sjálfsáliti þeirra er hins vegar lítil takmörk sett og þeir ætla sér að refsa Morgunblaðinu með því að hætta að blogga á MBL.is - Hvílík kúgun! HA HA HA HA HA!!!

Aðrir fjölmiðlar t.d. Rúv sýnir ótrúlega lágkúru og vanvirðir um það bil 30 fjölskyldur - Það er stærri frétt að tveir menn skulu hafa verið ráðnir en að 30 manns bætist á einu bretti í hóp atvinnulausra - Svona er nú fréttamatið á þeim bænum.

 

Davíð og Haraldur ritstjórar